ابنة الكويت لولوة الرشيد تخاطب أمير البلاد
الشجاع محمد المرزوق يستنكر ضرب أهل الكويت
الشيخ سعد بالقاهرة نريد المشاركة الشعبية بصيغة جديدة
ديوان يحى صميد يطالب ببرلمان مقيد ومربط ..واضح ان الأسم غلط
جريدة الأهالي المصرية : وزير الخارجية وعد بعدم اللجوء للقمع
استجابة القوى الديمقراطية لرغبة الامير بالحوار والتي انتهت بالمجلس الوثني
المواطنون يوقفون اشتراكاتهم بالأنباء واتحاد العمال يتخذ نفس الخطوة
قصيدة أخرى للحطيئةاجمل ما فيها البيت الأخير
وتكثر أعيادنا اليوم وترجع هدية عبدالله
---
ياريت لو يفتح المصدر الحكومي الذي يصرح للقبس يوميا مدونة ويصف معانا بدلا من التذمر مما يكتب في مواقع الانترنت
التسميات: دواوين الاثنين
At الجمعة, أغسطس 10, 2007 3:48:00 ص, 
om-bukhnag-zare
صبحك الله بالخير
عساك على القوة لا عدمناك
توني قريت القبس .. مادري ليش اتحوشهم
el7echah
من المدونات؟؟ومن قال هجوم ؟؟ كل اللي قاعد ينكتب وينقال مجرد انتقاد لأداء كل من الحكومة والمجلس والوضع صاير تعيس واييب التكاك ولا ينسكت عنه !! بعدين على شنو امكبرها هالمصدر اللي ماعنده ماعند جدتي !!ا
اسليمه اتصك هالمصدر الحكومي حشى والله ماني رادتها عنه !! من صجه والا اتميلح شنو يعني يخشونها للوقت المناسب ؟؟
اخاف صج بس ؟؟
أقووووول سنع وزارتك
والا بعد ناويين يشمعون لسنتنا وفوقهم المدونات بالشمع الأحمر
اخوي عاجل تراي حدي حمقت :)ا
فياليت تحط حيلك فيهم
حافظك الله
At الجمعة, أغسطس 10, 2007 4:10:00 ص, اجار الدين كشمش
صج هالكلام يا عاجل
منو هالمصدر الحكومي
الي بخشها حق البلوغز
عن طريق تحريض الكويتين
على اهل النت
بخشها
حق وقت الرهى .. والحين
هو في ضيق
قوله يقول اجار الدين
مالت على الباميه
ام السناسين
اشتبي يعني يكتبون
مثل الصحف
الي رخصت لها
وهم مطلوبين بموجب قانون المديونيات
انت
حاطه .. وهم ماسددوا حقوق الناس
اكييييييييييد
تمدحك يا مصدر حكومي
صباحا ومساء
قول حق
صحفك الي ما في نفوسهم ضغينه
ويحبووووون وايد وايد
الكويت بوجهة نظرك
خلهم هم يهاجمون البلوغز
عنك جان فبهم
خير
مالت عليك وسليمه
تصكك انت
وصحفك الي سوف تنتهي
بعد ثورة النت
ترا الشاه سقط سسسسسريعا
من شششششريط الكاسيت
سامحني عاجل
حقوق النشر لك
At الجمعة, أغسطس 10, 2007 1:22:00 م, بنت الشامية
مساك الله بالخير ياعاجل
مشكور على هالوثايق والله انك
فتحت لنا احنا يا البنات
حلوه بنات
باب جديد قديم كنا بعيدين
عن كل تفاصيله
مجهودك وطني مميز .. بس ارجع
من السفر راح
اوثقه للتاريخ و حق عيالي
اخاف باجر احد
يعوي راسهم .... على الكويت
وعندي اساله كثيره
ليش اجتمعت جميع التجمعات
السياسيه على ارجاع الحياة
السياسيه عما بان اللى يتردد وتعرفه
ان الاحزاب السياسيه الاسلاميه
الاخوان ,والسلف , الجمعية الثقافيه
تعمل جاهده ,,,, ومناها اسقاط
الحياه الدستوريه ...وانها تريد
"" """الشورى""""""
شيئ غير مفهوم ؟؟ بالنسبه لي
وانك فتحت لنا موضووووووووع
بهالصيفيه حوارات نسائيه سياسيه
صييييييييييييحه مسسسسسسسسستجله
حتى السوق نيسناه
بس انا حاطه بلوغك المرجع الاول
عيزت وانا اوزعه على البنات
واقولهم روحوا اقراؤه وتعالوا
ناقشوني باااجر
وصراخهم خل القهاوي الي يمنا
يتلفتوووووووون علينا
ويقولون لى ...شنو انتي علابالج
عاجل..... """البخارى"""""ء
المهم مشكور على هالمجهود الي
اسميه حربي ولكنه سلمي
وعساك على القوه وانت قاعد
بهالحر وفاتح العرزاله
وتشرب من ماى البرمه
ما ادري شخبار البرمه
انا لحقت عليها ديكووووووووور
فى مرسم روضة المنصور بشويخ
طالبه مووو على بالك نااااااظره
مع السلامه ترا النت عندنا
وايد صعب.....بس اوصل لندن
احاول اتفرغ لك
بس الله يهداك مذكراتك مهى مخليتنا نستانس الظاهر بقطع الاجازه وارد الكويت.....منت موهلنا
عساك على القوة والعافيه
عسى ما تسمع صيحتنا اليوم من نقشنا
وانت بالكويت
At الجمعة, أغسطس 10, 2007 11:41:00 م, 3AJEL
بنت الشامية
العفو
انا تهمني النقاشات اللي تصير بينكم لانها الهدف من وراء نشر هالوثائق
ثانيا انا مو البخاري
انا عاجل بس
وما سويت غير اني نشرت مواقف وآراء غيري تم توثيقها للتاريخ
وراي ما يختلف عن راي الحركة الوطنية المطالبة بعودة الديمقراطية
موضوع الجماعات الدينية
راح اخليه في بوست بروحه
لانه راح يثير عاصفة بين الزملاء المهتمين بالموضوع هذا
استانسي قد ما تبين لاحقة على الكويت والبوستات ماراح تطير وحتى لو رديتي بوقت ثاني راح ارد عليك
لا تحاتين
At السبت, أغسطس 11, 2007 12:59:00 ص, kila ma6goog
رجال
رجال
رجال
والله الكويتيين رجال و انت اولهم
قوية صراحة هالوثائق فعلا تعطينا عمق تاريخي
و قول حق المصدر لو فيك خير جان خليت القبس تكتب اسمك يا سي مصدر؟ منو اللي يخاف احنا و الا انتوا؟
منو اللي يتخشخش و يخاف من ظله وقت التجمعات و الندوات احنا و الا انتوا؟
خوش مرجلة بو يخشها للمستقبل
عموما عاجل انت شيشتني على سالفة انشاءالله نشوف نتايجها بعد رمضان
تحياتي
At السبت, أغسطس 11, 2007 2:16:00 م, 3AJEL
حمودي
في قصة قديمة لا زلت اقولها عن الحديث عن الفرق بين الكويت ودول الخليج على الاقل من الناحية السياسية
كان السؤال مطروح في محاضرة علوم سياسية
كان جواب الدكتور هو ارجع للتاريخ
كيف تأسست الدولة؟
بالسيف ولا بالتوافق؟؟؟؟
ولانها بالتوافق فالحكم بيننا كشعب والصباح شراكة لا لنا ولا لهم
بل كلنا كما رسم ذلك الدستور
لازيادة ولا نقصان
ودي لو ان المصدر الحكومي الذي يصرح كل يوم للقبس دون معرفة من هو
لو يفتح مدونة
مصدر حكومي ويصف معانا
ويسمي نفسه
عنتر
-------
في الوقت نفسه، ابدى المصدر نفسه امتعاضه ممن اسماهم 'الاصوات النشاز' الذين يلجأون الى الانترنت والمواقع الالكترونية لمهاجمة الحكومة.
وقال 'عيب ان تستخدم الالفاظ السيئة ضد الوزراء، وقذفهم بكلمات جارحة فهؤلاء منكم وفيكم ومن اهل الكويت'.
واضاف 'الحكومة تدافع عن وزرائها لكنها لن تنفعل لأنها ملتزمة بالقانون'.
واعتبر 'ان مستغلي بعض المواقع الالكترونية في نفوسهم ضغينة، لكن الكويتيين يعرفون كل شيء ويسجلون المواقف و(يخشونها) للوقت المناسب'.